සෞඛ්‍ය අමාත්‍යංශය යටතේ ඇති වෛද්‍ය සැපයුම් අංශයේ ප්‍රවාහන අංශයේ රියදුරන් සිදුකරන දුෂණ අක්‍රමිකතා දිනෙන් දින ඉහළ ගියද ඒවා නතර කිරීමට එහි පරිපාලනයේ සිටින දූෂිත නිලධාරීන් කටයුතු නොකරන බවට සේවකයෝ චෝදනා කරති.
ප්‍රවාහන අංශයේ රියදුරන්ගේ ඇති දූෂිත ක්‍රියා සමිබන්ධයෙන් අප මීට පෙරද හෙළි කළ අතර බදුල්ලේ ඥාති සංගමයේ එම දූෂිත ක්‍රියාවන් නතර කිරිමට කටයුතු කරනු වෙනුවට වෛද්‍ය සැපයීම් අංශයේ දූෂිත පරිපාලනය විසින් සිදු කළේ ඖෂධ ප්‍රවාහන රාජකාරි සඳහා ලබා දෙන දින ගණන් ප්‍රමාණය අඩු කර එමගින් ලොරි රථ මාසයක් තුළ ධාවනය කරනු ලබන සමස්ත කිලෝමීටර් ප්‍රමාණය වැඩි කරගෙන ඥාති සංගමයේ රියදුරන්ට වැඩි ඉන්ධන ප්‍රමාණයක් ඉතිරි කර විකුණා ලබන ආදායම වැඩි කර ගැනීමට අවස්ථාව ලබා දීමයි.
එහෙත් මෙම රියදුරන් සිදු කරන ඉන්ධන වංචාව , ටයර් විකිණිම සමිබන්ධයෙන් කිසිදු ක්‍රියා මාර්ගයක් ගෙන නොමැත.
ජම්බෝ අයියර් නැමැති ලොරි රථයක ටොන් 13-15 පමණ පැටවිය හැකි වුවද එම රියදුරන් පටවනු ලබන්නේ උපරිම ටොන් 5-6 ක පමණ බර ප්‍රමාණයකි.
එමගින් දහනයවන ඉන්ධන ප්‍රමානය අඩුකර ගෙන එය ඉතිරි කර සිය ගතමනාව සොයා ගැනිම එහි අරමුණ බව එහි සේවකයින් දන්නා කරුණකි. එසේ ලොරියක දහනය වන ඉන්දන ප්‍රමාණය කොපමණද යන්න සොයා බැලිමට කොන්දක් ඇති නිළදාරින් සෞඛ්‍ය අමාත්‍යංශයේ නොමැති විම කනගාටුවට කරුණකි.
ඊට අමතරව සිදුවන අපුරුම සිද්ධිය වන්නේ අදාළ ලොරි රථ සදහා ලබා දෙන ටයර් කොළඹ -පස්සර, කොළඹ – වැලිමඩ, කොළඹ – බදුල්ල යන බස්රථවල ධාවනයට යෙදවිමයි. සාමණ්‍යයෙන් එක ටයරයකින් කිලෝමිටර් හතලිස් දහසක් පමණ ධාවනය වන අතර ලොරි රථ සදහා සෞඛ්‍ය ප්‍රවාහන අංශයෙන් රියදුරන්ට යටර් ලබා දෙයි. 1000×20 ටයර් ලොරි හා බස් රථ යන දෙකටම භාවිතා කරයි.
එසේ ලබා දෙන ටයර් දිප්ති උදය කුමාර, සුමිත් පුබුදු හා සමන් කිත්සිරි යන අය විසින් අදාළ බස් රථවලට කෙටි කාලින ධාවනය සදහා ලබා දී පසුව එහි කාලය ඉක්ම යාමට ප්‍රථම ලබා ගෙන ලොරි රථවලට මාරු කර ඒ වෙනුවට නව ටයර් ලබා ගැනීම කාලයක් තිස්සේ සිදු කරගෙන යයි. වෛද්‍ය සැපයුම් අංශයේ කොයි කවුරුත් දන්නා ප්‍රසිද්ද රහසක් වන මෙම අක්‍රමිකථාවය නැවැත්වීම වෙනුවට පනින රිළවුන්ට ඉණිමං බඳිනා වෛද්‍ය සැපයුම් අංශයේ දූෂිත පරිපාලනය හා එම ඥාති සමාගම පිළිබඳ වත්මන් රජය හෝ කිසියම් ක්‍රියාමාර්ගයක් නොගන්නා හේතුව කුමක්දැයි එහි සේවකයන් ප්‍රශ්න කරයි.