මධ්‍යම පලාත් සභාවේ විවිධ අමාත්‍යාංශ වල සිදුව තිබෙන මහා පරිමාණ මුල්‍ය අක්‍රමිකතා අයථා ගෙවීම්,භාණ්ඩ මිළදී ගැනීමේදී කොමිස් මුදල් ගසා කෑම් සහ පලාත් සභාවේ නමින් විවිධ ආයතන පවත්ව ගෙන යමින් ග්‍රාමීය ආර්ථිකය නංවන බව පවසා පලාත් සභාවට ලැබූණූ විදෙස් ආධාර මුදල් ගසා කෑමට දේශපාලනඥයන්ට සිය පූර්ණ සහාය ලබාදුන් ඉහළ නිලධාරින් රැසක් වත්මන් පලාත් ආණ්ඩුකාර මහචාර්ය වරයා යටතේ සිය පුරුදු ගසා කෑම් තවදුරටත් කරගෙන යන බව මධ්‍යම පලාත් රාජ්‍ය දේපල සුරැකීමේ සංවිධානය චෝදනා කරයි.
එක්තරා හිටපු ප්‍රබල දේශපාලනඥයෙකු වෙත මේ වන තෙක්ම පලාත් සභාවේ ආයතන සදහා ආරක්ෂක නියාමක වරුන් සැපයීම වෙනුවෙන් ඉතා සූක්ෂම ලෙස මුදලක් යන බවත් ,මෙම කටයුතු සඳහා පූර්ණ සහාය ලබා දෙන්නේ වසර ගනනාවක් මධ්‍යම පලාත් සභාවේ අමාත්‍යාංශ සහ රාජ්‍ය ආයතන අරක් ගත් නිලධාරි මාෆියාවක් බවත් පලාත් සභාවේ සේවකයෝ පවසති.
මෙම නිලධාරී කල්ලිය පිටින් වෙනත් නිලධාරියෙකුට පලාත් සභාවේ ඉහල තනතුරු වලට ඒමට ඉඩ නොදී මහාචාර්ය ආණ්ඩුකාර වරයාද නොමග යවමින් රාජ්‍ය දේපල ජනතා බදු මුදල් අයථා ලෙස භාවිතා කරන බව පලාත් සභාවේ සේවකයින් පවසයි.
වත්මන් මාළිමා ආණ්ඩුවේ ඇතැම් තනතුරු ගත් පුද්ගලයන්ද පසුගිය රජයේ හිටි ප්‍රබල දේශපාලනඥයන්ගේ සුවච කීකරු රාජ්‍ය නිලධාරින් ආරක්ෂා කරන බවත් පලාත් සභාවේ ප්‍රවාහණ අමාත්‍යාංශයේ මාර්ගස්ථ මගී ප්‍රවාහණ අධිකාරියේ මහා පරිමාණ මුල්‍ය අවභාවිතාවන්ට ලක්ව සේවයෙන් පහකල නිලධාරියෙකු පත් කිරීම සඳහා මෑතකදී මාළිමාවට එක්වූ කලක් මෛත්‍රී සහ මහින්ද ජනාධිපති වරුන්ගේ සුවච කීකරු සහචරයෙකු වූ වීරවර්ධන පවුලට සම්බන්ධ වූවෙකු කටයුතු කරන බව මාර්ගස්ථ මගීප්‍රවාහණ අධිකාරියේ සේවකයෝ පවසති.
කලක් පලාත් සභාවේ ඇමති ධූරයක් හෙබවූ පුද්ලයෙක් ඔහුගේ නිලබලය යොදා ගනිමින් කඳුකරයේ පිහිටි රජයට අයත් බංගලාවක්ද තමන් සන්තක කරගෙන සිටින බැවින් සිස්ටම් චෙින්ජ් වැඩ සටහන යටතේ ඒවා ගැනද සොයා බලා පියවර ගත යුතු බව මංධ්‍යම පලාත් මහාමාර්ග අමාත්‍යාංශයේ සේවකයන් පවසයි.
පලාත් සභාවේ හිටපු ප්‍රබල මහ ඇමති වරයෙකු පිහිටවූ අරමුදලේ මුදල් සම්බන්ධවද පරීක්ෂණ ආරම්භ කරන්නැයි පලාත් සභාවේ සේවකයෝ පලාත් ආණ්ඩුකාර වරයාගෙන් ඉල්ලා සිටිති.
මධ්‍යම පලාත් සභාවේ හිටපු ප්‍රබල දේශපාලඥයන් වඳිමින් ඔවුන් පසුපස යමින් අයථා වැඩ කල ඉහළ නිලධාරින් රැසක් මාළිමා ආණ්ඩුවට හේත්තූ වී තම කොල නිල් ටයි මාරු කර රතු ටයි පැළඳ ක්ලීන් වෙන්නට පටන් ගෙන ඇතැයි මධ්‍යම පලාත් සභාවේ සේවකයන් කළේය.
ලිංගික අල්ලස් ඉල්ලා පලාත් සභාවේ රූමත් නිලධාරිනියන්ට හා සංවර්ධන නිලධාරිනියන්ට බලපෑම් කල අමාත්‍යාංශ ලේකම් වරු ප්‍රධාන ලේකම්වරු ,මෙන්ම රාජ්‍ය දේපල රජයේ ඉඩම් අයථා ලෙස අත්පත් කරගත් ලේකම් වරියන් කොමසාරිස් වරියන් ඇතුලු රැසක් මධ්‍යම පලාත් සභාවේ විවිධ ආයතව වල ලොකු පුටු බදා ගෙන සිටිතැයි පලාත් සභාවේ සේවකයන් පවසයි.
පලාත් සෞඛ්‍ය ,අධ්‍යාපන ප්‍රවාහණ මහාමාර්ග ,ක්‍රීඩා ,සමාජ සේවා ,සංචාරක සහ පරිවාස යන අමාත්‍යාංශ වල සිදුවූ මහා පරිමාණ අයථා ගෙවීම් රාජ්‍ය දේපල රාජ්‍ය ගොඩනැගිලි අවභාවිතා කල ,පලාතේ පාසැල් වලට ළමුන් දෙදහසකට වඩා අයථා ලෙස ඇතුලත් කිරීමට සිය අත්සන යොදා දේශපාලනඥයන්ට වන්දි භට්ටකම් කල ලේකම්වරු ,මේ වන විටත් වත්මන්රජයේ මැති ඇමති වරුන්ට හේත්තූ වී තම සුපුරුදු සටකපට කම් කරගෙන ජනතා බදු මුදලින් යැපෙන බව මධ්‍යම පලාත් රාජ්‍ය දේපල සුරැකීමේ සංවිධානය පවසයි.