සෞඛ්‍ය අමාත්‍යංශයේ වෛද්‍ය සැපයුම් අංශයට රැගෙන එන එතොනෝල් විකිණිමෙි ජාවාරමක් කලක සිට සිදු කර ගෙන ගියද ඒ සම්බන්ධයෙන් කිසිදු බලධාරියෙකු ඒ සදහා ක්‍රියාමාර්ග නොගන්නේ ඔවුන්ටද එමගින් ලැබෙන අමතර වාසි නිසා බවට තොරතුරු වාර්ථාවෙි.
සෙනවනගල සිනි කාර්මාන්තශාලාවෙන් රැගෙන එන එතනෝල් වලට බ්‍රිටෙක්ස් නැමැති රසායනද්‍රව්‍ය කළවම් කරනු ලබන්නේ එවා පානය කිරිම වැළැක්වීමට හා අවශ්‍ය පිරිසිදු කාරකය නිපදවා ගැනිම සදහාය. එහෙත් මෙලෙස සෙවනගලින් රැගෙන එන බැරල් වලින් කිහිපයකට බ්‍රිටෙක්ස් කළවම් නොකර විකිණීම සඳහා සඟවා තබා ගැනීමට ඔවුන් කටයුතු කරයි.
මෙසේ එතනෝල් රැගෙන ඒමට යන ලොරිවල ලීටර 200 බැගින් ගබඩා කළ හැකි බැරල් රැගෙන ගොස් ඒවා නළ මාර්ගයෙන් පුරවා ගනු ලබන්නේ එම ලොරි රථයේ යන සේවකයින් විසිනි. එසේ බැරල්වලට එතනෝල් පුරවන අතරතුර ලීටර 10-20 අතර ප්‍රමාණයක් ඔවුන් රැගෙන යන බූලි වලට පුරවා ගන්නා අතර එවා එම සේවකයින් විසින් පානය හා අලෙවි කරන බව වාර්ථාවෙි.
එසේ රැගෙන එන එතනෝල් ඖෂධ ගබඩාවේදී එතනෝල් ගෙන යාමට බාහිර ආයතන වලින් රැගෙන එන කුඩා කෑන්වලට ඇසිරිමේදී නියමිත ප්‍රමාණයට වඩා අඩුවෙන් පුරවා තමන් සොරාගත් ප්‍රමාණය බැලන්ස් කිරීමටද කටයුතු කරයි.
මීට හොදම උදාහරණය පසුගිය මැතිවරණයට පෙර වෛද්‍ය සැපයුම් අංශයේ ගබඩාකරුවෙකු වන ඒර්වින් කුමාර නැමැති අය සිය ත්‍රිරෝදරථයෙන් එතනෝල් පිරවු කැන් දෙකක් රැගෙන යනවිට ගෙට්ටුවේ සිටි ආරක්ෂක නිළධාරීන් දැක ඒ බව ප්‍රධාන ආරක්ෂක නිළදාරියාට දැන්වුත් අවසානයේ කිසිදු පරික්ෂාවකින් තොරව ඔහුට යාමට අවස්ථාව ලබා දී තිබීමයි.
මොහු දිගින් දිගටම මෙසේ එතොනොල් රැගෙන ගොස් ජාඇල ප්‍රදේශයට අලෙවි කරන බව වෛද්‍ය සැපයුම් අංශයේ ඖෂධ ගබඩාවෙි ප්‍රසිද්ධ රහසකි. අවසානයේ එම සොරකම ගැන දැනුම් දුන් ආරක්ෂක නිළධාරිණියන් දෙදෙනාට ස්ථාන මාරුවීමක් පමණක් ලැබී ඇත.
මේ සම්බන්ධයෙන් සහකාර අධ්‍යක්ෂ උපාලි රණතුංග ද දැනුවත් අතර ඒ සදහා ඔහුගේ ආශිර්වාදයද හිමිවන නිසා වැරදි කරුවන්ට කිසිදු නිතියක් ක්‍රියාත්මක නොවන බවද, සහකාර අධ්‍යක්ෂ උපාලි රණතුංගගේ මෙහෙයවීම මත ගබඩාකරු ඒර්වින් කුමාර විසින් මෙම ජාවාරම සිදුකරගෙන යනු ලබන බවද, ඒර්වින් කුමාරගේ හිතවතුන් වන වඩු කාර්මික අනුර නැමැති අයගේ සහයෝගය ඇතිව වෛද්‍ය සැපයුම් අංශයේ සේවකයන්ට මෙලෙස එතනෝල් විකිණීම සහ පානය කිරීම සඳහා තැබෑරුම ලෙස ආයතනයේ වඩුමඩුව යොදා ගන්නා බවද, එම අනුර නැමැති පුද්ගලයා එතනෝල් පානය කර වෙරි වී සිටීම නිතර දැකිය හැකි බවද වාර්ථාවේ.
තවද ව්‍යාපාරයක් ලෙස මෙම ජාවාරම දිගින් දිගටම සිදු කරගෙන යාහැකිවනසේ එතනෝල් ගබඩාවේ ගබඩාභාරකරුවන් ඇතුළු සේවකයින් අනුයුක්ත කිරීම කළින් එතනෝල් ගබඩාවේ ගබඩාභාරකරුවෙකු වශයෙන් සිට මෑතකදී උසස්වීම් ලැබූ ගබඩාභාරකරුවෙක් සහ සහකාර අධ්‍යක්ෂ උපාලි රණතුංග එකතු වී සාදන ලැයිස්තු අනුව වෛද්‍ය සැපයුම් අංශයේ පරිපාලන නිලධාරිණිය විසින් සෘජුව සිදු කරන බවද, ඒ වෙනුවෙන් ලැබෙන වරප්‍රසාද එම නිලධාරිණියටද හිමි වන බවද වාර්ථාවේ.
2025-03-27