මෙවර රාජ්‍ය වෙසක් උත්සවය මහනුවර නොපවත්වා නුවරඑළියේ පවත්වන්නට යෝජනා කර ඇත්තේ නිළධාරින්ට ඊට මුවාවෙමින් රාජ්‍ය බංගලාවල සැප ගැනිමටදැයි මහා විහාර දෙකෙහි භික්ෂූන් වහන්සෙලා විමසති
නිතර සතියේ සිකුරාදා සියලු වැඩ ඉවත දමා නුවරඑළියේ ආණ්ඩුකාර බංගලාවේ සැප ගන්න යන මැදරට දේශපාළන පත්වීමක් ලැබූ මහාචාර්ය බලවතා තමන්ට වෙසක් සමයේද නුවරඑළිය බංගලාවේ සැප ගැනීම සඳහා මෙවර ජාතික වෙසක් උත්සවය නුවරඑළියේ පවත්වන්නට රජයට යෝජනා කර ඇති බව වාර්ථාවේ..
උතුම් වූ සම්බුදු පියාණන්ගේ වාම ශ්‍රී දළදා වහන්සේ ජීවමානව වැඩ සිටින ශ්‍රී දළදා මාළිගාව පිහිටි පූජනීය භූමියේ රාජ්‍ය වෙසක් උත්සවය පවත්වන්නට නොහැකිව නුවරඑළිය නගරයේ රාජ්‍ය වෙසක් උත්සවය පවත්වන්නේ රාජ්‍ය නිලධාරින් සමග නුවරඑළියේ රජයේ මුදල් වැය කර සැප ගන්නදැයි මහනුවර කේන්ද්‍රගත මහා විහාරයන්හී හාමුදුරුවරුන් වහන්සේලාද ප්‍රශ්ණ කරති.
මෙම රාජ්‍ය වෙසක් උත්සවය මැදරට ආණ්ඩුකාරයාගේ මෙහෙය වීමෙන් සංවිධානය කරද්දී රජයේ මුදල් ලක්ෂ ගනනින් වැය කර මැද රට පලාත් රාජ්‍ය ආයතනවල නිලධාරින් නිලධාරිනියන් රජයේ වාහන වලින් තම දරු පවුල් පොදි බැඳගෙන නුවරඑළියට ගොස් රජයේ නිල නිවාස වල නතර වී කා බී ආතල් ගන්නවා ඇරෙන්නට වෙසක් පෝය දින සමයේ අටසිල් සමාදන් නොවන බවද පලාත් රාජ්‍ය සේවයේ සේවකයන් සහ අනෙකුත් නිලධාරිහු පවසති.
පලාත් ආණ්ඩුකාර වරයාට රාජ්‍ය වෙසක් උත්සවය ශ්‍රී දළදා මාළිගාව කේන්ද්‍රකොට ගෙන පවත්වන්නට බැරි ඇයි දැයි මහා විහාර දෙකෙහි භික්ෂූන් වහන්සෙලා විමසති.
වත්මන් ආණ්ඩුව ජනතාවගේ මුදල් නිකරුණේ වැය කරන ආණ්ඩුකාර වරුන්ට මෙවැනි කටයුතු කරන්නට ඉඩ නොදිය යුතු බව ආණ්ඩුවට බලය ලබා ගන්නට කැපවූ බොහෝ දෙනා පවසති.