මහනුවර දුම්රිය ස්ථානයෙන් ආරම්භ වන ඇල්ල -බණ්ඩාරවෙල ඔඩිසි දුම්රියේ ටිකට්පත් මිළදී ගෙන එම ටිකට් පත් රුපියල් දසදහසේ (10000/=) සිට රුපියල් විසිදහස (20000/=) දක්වා වැඩි වටිනාකමට විදෙස් සංචාරකයන්ට විකුණා මුදල් ගරන ජාවාරමක් පිළිබදව මහනුවර දුම්රිය ස්ථානයෙන් වාර්ථාවෙි. ඒ ආකාරයට ගන්නෝරුව පෙදෙසේ තරුණ කතක් පරීක්ෂාවට ගිය දුම්රිය ආරක්ෂක හමුදාවේ නිලධාරින්ට ඉන්දික නැමති දුම්රිය ස්ථානයේ රාජකාරියේ නිරතව සිටි දුමිරිය ස්ථානාධිපති වරයා තර්ජනය කොට ,රාජකාරියට බාධා කර ,එම කාන්තාව පොලීසියට බාර දීම වළක්වා ඇයව මුදාහැර තිබේ.
මෙම කාන්තාව සතුව දුමිරිය ප්‍රවේශ පත් දහයක් තිබී ඇති අතර ,ඒ සම්බන්ධව ලද තොරතුරු මත ඇය පිළිබඳව මහනුවර සංචාරක පොලීසියටද දැනුම් දී ඇය අත් අඩංගුවට ගැනීම සඳහා කටයුතු යෙදූ දුම්රිය ආරක්ෂක අංශයේ නිලධාරින්ට බලපෑම් කල ඉන්දික නැමති දුමිරිය ස්ථානාධිපතිවරයාද මෙම ජාවාරමට හවුල් බව දුම්රිය ස්ථානයේ සේවකයන් සහ ආරක්ෂක හමුදාව පවසති.
මෙම කාන්තාව අත් අඩංගුවට ගැනීමට පැමිණි මහනුවර සංචාරක පොලීසියේ නිලධාරින්ද තම රාජකාරිය ඉටු නොකර පල්ලම් බැස ගියේ සංචාරක ප්‍රවර්ධන සහ සංචාරයන් ගෙන්වන සමාගම් වලින් ලැබෙන සන්තෝෂම් නිසා බව ඉතා විශ්වාෂ කටයුතු ආරංචි මාර්ග සඳහන් කරයි.
මෙම දුමිරිය ස්ථානයේ ප්‍රවෙිශපත් ජාවාරම නවතන්නට නොහැකි තත්ත්වයක් උද්ගතව ඇත්තේ දුමිරිය ස්ථානයේ බහිරවයන් මෙන් අරක් ගෙන ඇති දුමිරිය ස්ථානාධිපතිවරු සහ ටිකට් කවුන්ටර් වල සිටින දූෂිතයන් කීප දෙනා නිසා බව දුම්රිය ආරක්ෂක අංශයේ නිලධාරින් පවසයි.
දැනට ඔඩිසි ටිකට් ජාවාරම සිදුකරන ගන්නෝරුවේ සිට දිනපතා මහනුවර දුමිරිය ස්ථානයට යන එන තරුණ කතට දුම්රිය ස්ථානයේ ඇතැම් දුමිරිය ස්ථානාධිපතිවරු කීප දෙනෙක් සහ සංචාරක ප්‍රවාහණ ආයතන කීපයක නිලධාරින් සහ සංචාරක රථ රියදුරන් කීප දෙනෙකුගේ සහාය ලබාදෙන බවට තොරතුරු අනාවරණය වි ඇත.
දුම්රිය ආරක්ෂක අංශයේ නිලධාරින් විසින් ඇල්ල ඔඩිසි ප්‍රවේශපත් ජාවාරමේ සියලු මොළකරුවන් පිළිබඳ තොරතුරු කොළඹ දුමිරිය ආරක්ෂක හමුදා මූලස්ථානයේ ප්‍රධානීන්ට යවා තිබේ.එහෙත් තවමත් මහනුවර දුමිරිය ස්ථානයේ දුම්රිය ප්‍රවෙිශපත් වැඩි මිළ ගනන් වලට විදෙස් සංචාරකයන්ට විකිණෙන බව මහනුවර දුමිරිය ස්ථානයේ ආරක්ෂක හමුදා ඒකකයේ නිලධාරිහු පවසති.
මේ අතර උඩරට දුම්රිය මාර්ගයේ ධාවනය වන දුම්රිය සඳහා ප්‍රවේශපත් තොග පිටින් රාජගිරියේ පිහිටි පුද්ගලික සංචාරක සමාගමකට විකුණා ලක්ෂ ගනන් මුදල් ඉපයීමේ ජාවාරමක්ද සිදුවන බව මහනුවර දුම්රිය ස්ථානයේ සේවකයන්පවසයි.