මුව දඩයමේ ගොස් මුවස් සමග හසුව බුද්ධි රාජකාරිවලින් වඉත් කර සිටි කර්නල් මහ තන්තිල යුදහමුදා මුලස්ථානයේ කර්නල් බුද්ධි ලෙස කටයුතු කරමින් සිටියදී එහි අධ්‍යක්ෂ ධුරයට ප්ත්ව්ම සදහා ඉහළ නිළධාරින් කපා දැමිමේ මෙහෙයුමක් ආරම්භ කර ඇති බට තොරතුරු වාර්ථාවෙි..
කන්තලේ අල්ල ප්‍රදේශයේ 7 වන සන්නද්ධ හමුදා බුද්ධි මුලයේ අණදෙන නිලධාරිව සිටින සමයේ සොල්දාදුවන් සමග මුව දඩයමේ ගොස් වෙඩි තබන ලද මුවෙකු සමග යුද්ධ හමුදා පොලිසියට හසුව පසුව එම අණදෙන නිලධාරී ධුරයෙන්ද නෙරපනු ලැබු මෙම නිලධාරියා පසුව බුද්ධි රාජකාරිවලින් සම්පුර්ණයෙන්ම ඉවත්කර යුද හමුදා මුලස්ථානයෙන් එපිට සුභ සාධන අධ්‍යක්ෂ මණ්ඩලයේ නොයෙකුත් රාජකාරි වලට අනුයුක්ත කර සිටියේය.
යුද හමුදා ඉතිහාසයේ අපකිර්තිමත්ම නිලධාරියා ලෙස බුද්ධි ඉතිහාසයේ නොමැකෙන සටහනක් තබා පසුගිය දා වත්මන් යුධ හමුදාධිපතිවරයා ඉවත් කරන ලද බ්‍රිගේඩියර් මහ තන්තිල විසින් නැවතත් බුද්ධි රාජකාරි සදහා ඔහුගේ ඇම්බැට්ට රාජකාරි සදහා යොදවා ගන්නා ලද කර්නල් අත්තනායක නමැති නිලධාරියා යළිත් යුද හමුදා මුලස්ථානයේ කර්නල් බුද්ධි ලෙස රාජකාරි නියැලෙමින් සිටියි.
මෙම නිලධාරියා බුද්ධි අධ්‍යක්ෂ ධුරයට කෙල හලමින් ඔහුට ඉහළින් සිටින කීර්තිමත් නිලධාරීන්ට පහර ගැසීමේ ක්‍රියාවලියක නිරතව සිටියි. මේ සදහා මහතන්තිලගේ ඇම්බැට්ට නිලධාරීන් යොදවා ගනිමින් මෙම පහත් ක්‍රියාවට මොහු පෙළබි ඇත. මොහු වත්මන් රජයට ඒත්තු ගන්වන්නට උත්සහ දරනුයේ ඔහු මෙම රජය ගොඩ නැගීමට කැපවුවෙකු ලෙසය. නමුත් බුද්ධි බලකාය තුල කිසිදු උසස් නිලධාරියෙකු මේ සදහා කිසිදු සහයක් නොදැක්වූ බව ප්‍රකට කරුණකි.
ඔවුන් සියලු දෙනාම රාජපක්ෂ ආණ්ඩුවේ ගොලබාලයන් ලෙස නියමින් හෝ අනියමින් මොහුන් ඔවුන්ට සහය දක්වන ලදී. එයට හේතු පාදක වුයේ රාජපක්ෂ වරුන් උසස් බුද්ධි නිලධාරීන් තමන්ගේ පහත් ක්‍රියාවන් ඉටු කර ගැනීම සදහා ඔවුන් භාවිතා කල බව ප්‍රකට රහසකි.
නමුත් මේ අතර තමන්ට පැවරෙන වගකීම නොපැකිලව ඉටුකළ තම රට දිවි දෙවෙනි කොට සලකන ලද නිලධාරීන් අතර ප්‍රමුඛස්ථානයක් ගන්නට කර්නල් මද්දුමගේ හා බ්‍රිගේඩියර් අමිත් සමත්ව සිටියහ.
කර්නල් අත්තනායකට යුදහමුදා බුද්ධි අධ්‍යක්ෂ ධුරයට පැමිණීමට ඇති එකම බාධකය මෙම දක්ෂ නිලධාරීන් දෙදෙනා වන අතර වයසින් අඩු නමුත් පරිපුරන දැනුමින් සන්නද්ධ බුද්ධි ඉතිහාසය තුල කිර්තිමත්ව වැඩකළ නිලධාරීන් ලෙස කාගෙත් ඇගයිමට ලක්ව සිටිති.
බ්‍රිගේඩියර් අමිත් භාෂා හයකට වඩා කතා කිරීමට හා ලිවිමේ හැකියාවෙන් පරිපුර්ණ අති දක්ෂ නිලධාරියෙකි. යාපනය නගරයේ බුද්ධි නිලධාරී ලෙස සේවය කරන අවධියේදී එල් ටි ටී වෙඩි ප්‍රහාරයකට ලක්වෙන මොහු ඉතාමත්ම දක්ෂ ලෙස එම වෙඩි ප්‍රහාරයෙන් ගැලවී තමා ඝාතනය කරන්නට පැමිණි ඝාතයා ඝාතනය කරන්නට සමත් විය. බුද්ධි අධ්‍යක්ෂ මණ්ඩලයේ ඉතාමත්ම භාරදුර වගකීම් රැසක් ඉටුකළ මෙම නිලධාරියා බුද්ධි බලකාය තුල සිටින එකම පරිගණක දැනුමින් සන්නද්ද උසස් නිලධාරියා වේ.
කර්නල් මද්දුමගේ ජි අයි එස් තාක්ෂනය පිලිබදව උසස්ම දැනුමින් සන්නද්ද බුද්ධි බලකාය තුල සිටින එකම නිලධාරියා වේ. යුද හමුදාවේ යුද්ධ හමුදාධිපති තනතුරට පත් වීමට සමත් සියලු මුලික පාඨමාලා නිමකළ බුද්ධි බලකාය තුල සිටින එකම නිලධාරියාද වේ.
වර්තමාන රජය යුද්ධ හමුදාව තාක්ෂණයෙන් බල ගන්වන්නේ නම් මෙම නිලධාරීන් අතිශය වැදගත්ය. බුද්ධි අධ්‍යක්ෂ ධුරයට බුද්ධි බළකායේම කෙනෙකු පත් කරන්නේ නම් ජෙෂ්ඨත්වයෙන් ඉදිරියෙන්ම සිටින නිලධාරියා බ්‍රිගේඩියර් අමිත්ය. කර්නල් අත්තනායක කපා දමන්නට උත්සහ දරන්නේ ඔහුට ඉදිරියෙන් සිටින මෙම දක්ෂ නිලධාරින්ය.