හිටපු ජනාධිපති රනිල් වික්‍රමසිංහ මහතාගේ කාර්ය මණ්ඩල ප්‍රධානියා කීවා යැයි කියමින් මහනුවර නගරයේ ඓතිහාසික ශ්‍රී දළදා මාළිගාවට ප්‍රවිශ්ඨ වන රැජින හෝටලය අසල පිහිටි බෝධීන් වහන්සේ ඉදිරිපිට ශරීර සම්බාහන මධ්‍යස්ථානයක් ඉතා සූක්ෂමව ආරම්භ කල ව්‍යාපාරිකයාට මහනුවර මහ නගර සභාවද පූර්ණ සහාය ලබා දී තිබේ.
මෙම මසාජ් මධ්‍යස්ථානය ආරම්භ කිරීම සඳහා තමන්ට මල්වතු අස්ගිරි මහා විහාර දෙකේහිමි පාණන් වහන්සේලා අවසර දී ඇති බවද එය පවත්වාගෙන යන පුද්ගලයා පවසයි.
මෙහි සිදුවන්නේ ශරීර සම්බාහනය පමණක් නොව ඉතා රහසිගතව විදෙස් කතුන් ගණිකා සේවයටද යොදවා ගන්නා බවත් බව තතු දත් පිරිස් පවසති.
මෙම ස්ථානය පිහිටි තෙමහල් ගොඩනැගිල්ලේ මසාජ් සෙන්ටර් එක ආරම්භ කිරීම සඳහා මහනුවර නාගරික කොමසාරිස් වරිය අවසර දී ඇති බව එහි හිමිකරු පවසයි.
නගර සභාවේ ඇතැම්බලධාරින්ටද අතදිග හැර මුදල් වියදම් කර ඇති මෙම මසාජ් කිරීමේ ආයතනය පවත්වාගෙන යන්නා,කිසිදු චකිතයකින් තොර ව එය පවත්යාගෙන යයි.
උදේ පාන්දර මිට මල් පොකුරු දෝතින් ගෙන දළඳා සමිඳු වඳින්නට යන බැතිමතුන් දළදා මාළිගාව ඉදිරිපිට මිනිසුන් උදේ සවස වන්දනා මාන කරන බෝධීන් වහන්සේ ඉදිරිපිට කාන්තාවන්ගේ ඇඟ තවන සහ ගණිකාවන් සැපයීමද ජයට සිදු නෙරෙන බව බොහෝ දෙනෙක් නොදන්නවා වුවද ,මෙම මසාජ් සෙන්ටර් එක ප්‍රසිද්ධියේ පවත්වාගෙන යයි.
මෙම ඇඟ තවන සම්බාහන මධ්‍යස්ථානය වහා වසා දමන ලෙසට පසුගිය රජය සමයේ මධ්‍යම පලාතේ හිටපු ආණ්ඩුකාර ලලිත් ගමගේ මහතාටද කීප දෙනෙක් ලිඛිතව දන්වා තිබිණි.
ඩොලර් අයකර මෙහි සේවාව ලබාගත හැකි වුවද ,මෙම ස්ථානයට ලොකු මුදලක් ගෙවා විදෙස් ගණිකාවකගේ සේවයද ලබාගත හැකි බව විශ්වාස කටයුතු ආරංචි මාර්ග සඳහන් කරති.
මෙහි හිමිකරුට රට වටේම මසාජ් සෙන්ටර් ඇති බවත්,ආයෝජන ප්‍රවර්ධනය මුවාවෙන් එය පවත්වා ගෙන යන ඩොලර් වලට විකිණන ඇඟ තවන මෙම ස්ථානය පූජනීය ස්ථානයක ඉදිරිපිට පවත්වා ගෙන යාම බොහෝ දෙනෙකුගේ අප්‍රසාදයට හේතුවී තිබේ.