මහනුවර මහ නගර සභාව විසින් නගරයේ අතුරු ාර්ග ටෙන්ඩරයක් මගින් පිළිමතලාවේ පුද්ගලයෙකුට බදු දීමේදී කෝටි විස්සකට ලංසුු ඉදිරිපත් කර එය ඉතා සූක්ෂම අයුරින් ,වෙනත්රාජ්‍ය ආයතනයක අතර මැදි නිලධාරියෙකු හරහා රුුපියල් කෝටි 18 ක මුදලකට ලබා දී අතයට ඉතා විශාල මුදලක් කොමිස් ලෙස ලබාගෙන ඇති බවට නගර සභාවේම නිලධාරිහු පවසති.
නාගරික කොමසාරිස් වරිය රජයේ මැති ඇමති වරුද රවටා සූක්ෂම ලෙස මෙම ටෙන්ඩර් ගනුදෙනුව සිදු කර තිබෙන අතර ,නගරයේ වීථීවල නවතන රථවාහන වලින් එකට හතරක්නැවතුම් ගාස්තු අයකර ගැනීමට නගර සභාව නගරයේ වීථී බදු ගත් බදුකරුට අවස්ථාව ලබා දීඇති බව නගරයේ වෙළඳ සංඟම් චෝදනා කරති.
නාගරික කොමසාරිස් වරිය හිතුවක්කාර ලෙස තමන්ගේ සහචරයන් පිරිවරා ගෙන සිදු කරන මෙම කටයුතු වළක්වා ලීමට මධ්‍යම පලාත් ආණ්ඩුකාර මහාචාර්ය සරත් අභයකෝන්ට හැකියාවක් නැතැයි මහනුවර ජනතාව පවසති.
මහනුවර නාගරික කොමසාරිස් වරිය හිතුවක්කාර ලෙස ගත් තීරණය නිසා නගරයේ වීථීවල නවත්වන රථ වාහන ගාස්තු හිතුමතේ වැඩිකර ඇති වීථීබදු ගත් පුද්ගලයා තමන්ට මුදල් නොගෙවන්නේ නම් එලෙස මුදල් නොගෙවන වාහන හිමියන්ට පහරදී හෝ නැවතුම් ගාස්තු අය කර ගන්නා බව මෙම ටෙන්ඩරය ලබාගත් පුද්ගලයා ප්‍රසිද්ධියේ පවසයි.
මාළිමා ආණ්ඩුවට මහනුවර දිස්ත්‍රික්කයෙන් ආසන නමයක ජයක් ලබා දුන්නේ මෙවැනි දූෂිත රාජ්‍ය නිලධාරිනියන්ට තමන්ට හිතුමතේ ජනතාව පෙළා දැමීමට නොවන බව මහනුවර දිස්ත්‍රික්කයේ ජනතාව පවසති.මහනුවර මහ නගර සභාවේ කොමසාරිස් වරිය වැඩ කරන්නේ මහනුවර හිටපු එජාප සහ සජබ දේශපාළනඥයන්ගේ උපදෙස් මත බව මහනුවර ජනතාව පවසති.
කෙසේ වෙතත් මහනුවර නාගරික කොමසාරිස් වරියගේ හිතුවක්කාර ක්‍රියාව නිසා මහනුවර නගරයේ ව්‍යාපාරිකයෝ නගරයේ වීථී බදු ගත් ජාවාරම් කරුට සහ මහනුවර නාගරික කොමසාරිස් වරියට විරෝධය පා නගරයේ පාරවල් වසා කළු කොඩි ඔසවා උද්ඝෝෂණයක් ආරම්භ කිරීමටද තීරණය කර තිබේ.