ශ්‍රී පාද වන්දනා සමය ආරම්භ වීමත් සමග හැටන් නල්ලතන්නි මාර්ගයේ කළු කඩ මංකොල්ල කාරයන් මැරයන් තමන්ට හිතුණු හිතුණු මිළ ගනන් වලට ආහාර පාන තේ කෝපි කිරි සහ වෙනත් කැවිළි වර්ග සිරිපාද වන්දනාවේ එන බැතිමතුන්ට අළෙවි කරමින් ජනතාව ගසා කෑමට පුරුදුවී සිටිති.
ඇතැම් ආපන ශාලා ඉතා අපිරිසිදු සේම ඒවායේ සේවකයන්ද අපිරිසිදු අන්දමින් සිටිති .මෙම සමහර ආපන ශාලා වල මත්පැන් ,දුම්වැටි ගංජා ජාවාරම ජයටම සිදුකෙරෙයි. .මෙවැනි දෑ ලඟ තබා ගැනීම විකිණීම සිරීපාද මගට ගෙන යාම සපුරා තහනම් බවට රත්නපුර දිස්ත්‍රික් ලේකම් වසන්ත ගුණරත්න සිය අත්සනින් යුතුව ලිඛිත නියෝගයක් නිකුත් කර තිබේ.
පාලනය කරව්නට බැරි දෙයක් නැතත් කිසිදු දෙයක් පාලනය නොවන බව බැතිමතුන් පවසයි.මග දිගට හොර සම්මාදම් කාරයන් සහ කපටින් ගෙන බැතිමතුන්ට සිදුවන කරදර සොයා බැලිමට කිසිවෙකුත් නොමැත.
හැටන් හෝ ගිනිගත්හේන අවට පොලිසී නිසි පරීක්ෂාවන් කරන්නේ නම් සිරීපාදයට ආසන්න ස්ථානවල දුම්වැටි ගංජා සහ රහසිගතව මත් වතුර විකුණන්නේ කෙසේදැයි බොහෝ දේ සොයා ගත හැකිය.මේ සමන් දෙවි අඩවියේ සිදුකරන ජාවාරම් බැතිමතුන් ගසාකෑම් ගැන සොයන්න බලන්න රජයෙන් පත්කර සිටින වග කිව යුතු රාජ්‍ය නිලධාරින්ගෙන් ඇතැමුන් ජාවාරම් කාරයන්ට එකතු වී සිටියි.
අපිරිසිදු ආහාර පාන අළෙවි කරන හෝටල් තාවකාලික බොජුන් හල් මහජන සෞඛ්‍ය පරීක්ෂක වරුන් පරීක්ෂා කරනවා දැයි සිතන්නට වී තිබෙන්නේ ඒවයේ අපිරිසිදු තත්ත්වය දකින විටය.