ජාතික ජනබලවේගය ජනාධිපති මැතිවරණයෙන් සහ පාර්ලිමේන්තු මැතිවරණයෙන් පරාජයට පත් වන බවත් ඉන් පසුව කේ ඩී ලාල් කාන්ත මහතා පොලිස් අත් අඩංගුවට ගෙන රක්ෂිත බන්ධනාගාර ගත කිරීමේ කූඨ කුමන්ත්‍රණයක් මහනුවර මහ නගර සභාවේ නිලධාරියෙකු හරහා සිදුකිරීමට මහනුවර නාගරික කොමසාරිස් වරිය සූක්ෂමව කටයුතු කල බව එහි අභ්‍යන්තර ආරංච් මාර්ගවලින් අනාවරණය කර ගත්තේය. ලදැයි
මහනුවර නගරයේ පැවති නගර සභා සේවකයෙකු වන වැටලීම් අංශයේ වස්ගේවත්ත නැමැත්තාට ජනාධිපති මැතිවරණ වේදිකාවෙදී ලාල් කාන්ත සහෝදරයා ප්‍රසිද්ධියේ විවෙිචනය කිරීමේ සිද්ධිය මහනුවර පොලීසියට පැමිණිළි කර එම පැමිණිල්ල හරහා ලාල් කාන්ත මහතා අත් අඩංගුවට ගැනීමේ සැලසුමක්ද ක්‍රියාත්මක වී තිබේ.
කෙසේ වෙතත් මැතිවරණ ජයග්‍රහණයෙන් පසු ලාල් කාන්ත මහතා අත් අඩංගුවට ගැනීමේ සැලසුම අක්‍රීය වීම නිසා එයට සැලසුම් සැකසූ නාගරික කොමසාරිස් වරියත් වස්ගේවත්ත නැමති වැටලීම් අංංශයේ නිලධාරියාත් ගලේ පැහැරූ බළලුන් මෙන් මේ දවස්වල සිටිනබව නගර සභා සේවකයන් පවසයි.
ජනාධිපති මැතිවරණ සමයේ මහනුවර නගරය මැද ප්‍රදර්ශණය කර තිබූ ජාතික ජන බලවේගයේ ජනාධිපති අපේක්ෂක අනුර කුමාර දිසානායක මහතාගේ විශාල ප්‍රචාරක පුවරුව ගලවා කුණු ලොරියේ දමාගෙන ගොස් කටුගස්තොට ගොහාගොඩ කුණු ගොඩට දමන්නට අණ දුන් නාගරික කොමසාරිස් වරිය එම සිද්ධිය වැටලීම් අංශයේ වස්ගේවත්ත යන සේවකයා මත පටවා නිහඬව සිටීමට කටයුතු කර ඇත.
මෙම සිද්ධිය මැතිවරණ වේදිකාවේ විවේචනය කල ලාල් කාන්ත මහතාට එරෙහිව වස්ගේවත්ත නැමති සේවකයා උසිගන්වා පොලීසිය වෙත යවා ඇත්තේද නාගරික කොමසාරිස් වරිය බවද නගර සභා සේවකයෝ පවසති.නගර සභාවට අරක් ගත් වසර විසි හතකට අධික කාලයක් නගර සභාවේ බූවල්ලන් මෙන් සිටින නිලධාරින් පිරිසක් මෙ දිනවල මාලාමාවේ ටයි පටි පැළඳ සිටින බවද වාර්තාවෙි.
නගර සභාවේ ඇතැම් නිලධාරින් ගෙවල් තුන හතර හිමි කෝටිපතියන් වී සිටින අතර විවිධ ටෙන්ඩර් මගඩි ඔස්සේ ලක්ෂ ගනනින් අතයට ගනුදෙනු සිදුකර තිබෙන බවද නගරයේ වීථීවල රථවාහන නවතා ගාස්තු අය කිරීමේ ටෙන්ඩරයද අති විශාල මුදලකට වෙනත් පාර්ංශවයන්ට ලබාදී ඇති නාගරික කොමසාරිස් වරියට නගරයේ ඒකාබස්ධ වෙළඳ පෙරමුණේ දැඩි විරෝධයද එල්ල වී තිබේ.වත්මන් කෘෂිකර්ම අමාත්‍ය මහනුවර දිස්ත්‍රික් සම්බන්ධීකරණ කමිටුවේ සභාපති කේ ඩී ලාල්කාන්ත මහතාද මහනුවර නාගරික කොමසාරිස් වරියගේ මෙම අතයට වාහන නැවතුම් ටෙන්ඩරය පිළිබඳව දැනගෙන ප්‍රසිද්ධියේ ඇයට අවවාද කළේය.
එජාප ප්‍රබලයන්ගේ සහායෙන් මහනුවර නාගරික කොමසාරිස් ධූරයේ පුටුවට පැමිණි වත්මන් කොමසාරිස් වරිය රනිල් වික්‍රමසිංහ හිටපු ජනාධිපතිගේ ආශීර්වාදයෙන් පත්වූ මධ්‍යම පලාත් ප්‍රධාන ලේකම් අජිත් ප්‍රේමවංශ මහතාටග්ද හිතවතියකි.
ඇයට මෙම පුටුවට ඒම සඳහා දැනට විශ්‍රාම ගොස් සිටින මහනුවර හිටපු දිසාපති චන්දන තෙන්නකෝන්ද පූර්ණ සහාය දී ඇත.
මහනුවර නගරයේ නඩත්තු කටයුතු පිරිසිදු කිරීමේ කටයුතු සහ පොදු සංවර්ධන කටයුතු සිදු නොකර මාධ්‍ය සංදර්ශණ ප්‍රදර්ශණය කරන නාගරික කොමසාරිස් වරියට එරෙහිව කටයුතු කරන ලෙසට නාගරික වැසියන් අදාළ බළධාරින්ගෙන් ඉල්ලා සිටියි.හිතුවක්කාර ලෙස තීරණ ගන්නා නාගරික කොමසාරිස් වරිය ඒ සම්බන්ධව විමසන විට එම තීරණ තමන් ගත් තීරණ නොව හිටපු කොමසාරිස් ඉෂාන් විජේතිලක ගත් තීරණ යැයි පවසා ඇඟ බේරා ගනී.
මහනුවර මහ නගර සභාවේ දුර්වල පරිපාලනයද මහනුවර දිස්ත්‍රික් සමිබන්ධීකරණ කමිටුවේ සභාපති අමාත්‍ය ලාල් කාන්ත මහතා විසින් ප්‍රසිද්ධියේම විවේචනය කරනු ලැබීය.