අත්අඩංගුවට ගන්නා මත්ද්‍රව්‍ය පැනඩෝල් කුඩු හෝ පිටි බවට පත්කර ඇති බව, පසුගිය කාලයේ සිදුකළ පරීක්‍ෂණවලදී හඳුනාගැනීමෙන් පසු, එම මත්ද්‍රව්‍යවල ආරක්ෂාව සම්බන්ධයෙන් ගැටලු පවතින බව අධිකරණ ඇමැති විජයදාස රාජපක්‍ෂ පිළිගෙන තිබේ.
අත්අඩංගුවට ගත් මත්ද්‍රව්‍ය ප්‍රවාහනය නිරීක්ෂණය කිරීමට නිසි නීති නොමැති බව ඇමැතිවරයා පවසා ඇත.
එසේ අත්අඩංගුවට ගත් මත්ද්‍රව්‍ය පරීක්ෂා කිරීම සඳහා නිසි ආකාරයෙන් භාරදෙන්නේද යන්න නිරීක්ෂණය කිරීමට ද ක්‍රමවේදයක් නොමැති බව ඔහු සඳහන් කරයි.
පොලිසිය මත්කුඩු හෝ පිටි අත්අඩංගුවට ගත්තාද, ස්ථාන මාරුවීම් අතරතුර එය විකෘති කර තිබේද යන්න පිළිබඳව නිශ්චිතව කිව නොහැකි බව ද ඇමැතිවරයා පවසයි.
කෙසේවෙතත්, අත්අඩංගුවට ගත් මත්ද්‍රව්‍ය ගබඩා කිරීම සඳහා දැඩි ආරක්ෂක විධිවිධාන යොදවා ඇති අතර, එමඟින් කිසිදු වංචනික ක්‍රියාවක් සිදු නොවන බව ඔහු සඳහන් කරයි.
අත්අඩංගුවට ගත් මත්ද්‍රව්‍ය ප්‍රවාහනයේදී අවශ්‍ය ආරක්ෂක ක්‍රියාමාර්ග පිළිබඳව පොලිසිය සමඟ සාකච්ඡා කළ යුතු බව ද අධිකරණ ඇමැතිවරයා වැඩිදුරටත් පවසයි.